Ukrayna ötən il Qərbdən 2022-ci illə müqayisədə 1,5 dəfə az humanitar yardım alıb.
Bu barədə İqtisadiyyat.az xarici mediaya istinadən xəbər verir.
Məlumata görə, 2022-ci ildə Kiyevə humanitar yardım üçün 102,2 milyard dollar ayrılıbsa, 2023-cü ildə bu rəqəm cəmi 68,6 milyard dollar təşkil edib.
Ötən il Ukraynaya ən böyük donor ABŞ olub. Bu ölkə Kiyevə 2022-ci ildə 40,4 milyard dollar, ötən il isə 44,6 milyard dollar ayırıb.
Eyni zamanda, 2022-ci ildə 43,2 milyard dollar dəyərində humanitar yardım edən Avropa İttifaqı isə ötən il dəstəyin həcmini 18 dəfə azaldaraq 2,4 milyard dollara endirib. Həmçinin, ötən il Dünya Bankı da Ukraynaya dəstəyi 18 milyard dollardan 10 milyard dollara endirib.
