Qazaxıstan prezidenti Kosım-Jomart Tokayev parlamentdə namizədliyi təsdiqləndikdən sonra Oljas Bektenovun respublika hökumətinin yeni başçısı təyin edilməsi haqqında fərman imzalayıb.

İqtisadiyyat.az xəbər verir ki, sənədin mətnini Qazaxıstan liderinin mətbuat xidməti dərc edib.

“Oljas Abayeviç Bektenov əvvəl tutduğu vəzifədən azad edilərək Qazaxıstan Respublikasının Baş naziri təyin edilsin”, - prezidentin sərəncamında deyilir.

Bektenovun baş nazir postuna namizədliyini Qazaxıstanın hakim partiyası "Amanat" irəli sürüb. Siyasətçi əvvəllər respublika prezidentinin administrasiyasının rəhbəri vəzifəsində çalışıb.

Qeyd edək ki, fevralın 5-də Tokayev respublika hökumətini istefaya göndərib.