İqtisadiyyat.az xəbər verir ki, bu sözləri Qazaxıstanda qəzaya uğrayan təyyarədə olan stüardessa Hökümə Əliyevanın atası deyib.
O bildirib ki, xəstəxana ilə əlaqə saxlayıblar və ehtimal var ki, yaralılar arasında qızı da olsun, amma hələ dəqiq məlumat yoxdur.
"Hökümə Əliyeva 1991-ci ildə Kəlbəcər rayonunda anadan olub. Ailəli idi, övladı yoxdur. O, BDU-nun Hüquq fakültəsinin magistratura pilləsini bitirib və 2016-cı ildən hava yollarında çalışırdı".
***20:47
Aktauda qəzaya uğrayan AZAL-ın təyyarəsinin 3 ekipaj üzvü sağ qalıb, ikisi ölüb.
İqtisadiyyat.az xəbər verir ki, bunu Qazaxıstanın nəqliyyat naziri Marat Karabayev bildirib.
“Göyərtədə 67 nəfər olub: 62 sərnişin və 5 ekipaj üzvü. Təssüf ki, 38 nəfər ölüb, 29-u sağ qalıb. 5 ekipaj üzvündən 2 nəfəri ölüb, 3 nəfər sağ qalıb”, - deyə Karabayev əlavə edib.
