“Bu günə qədər 56,6 faiz abonent 1200-lük qaz limitini keçməyib. İlin sonuna qədər 6 faiz abonentin də limiti keçəcəyini nəzərə alsaq, keçməyənlərin sayı 50 faiz olacaq”.

İqtisadiyyat.az xəbər verir ki, bunu AzVision.az -a açıqlamasında SOCAR “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev deyib. O qeyd edib ki, limitin sıfırlanması smart tipli sayğaclarda dekabrın 31-dən yanvarın 1-ə keçən avtomatik olaraq həyata keçiriləcək:

“Mexaniki sayğaclarda isə bu proses yanvarın 5-i və 6-na qədər tamamlanacaq. Mexaniki sayğacı olan abonentlərimiz gec sıfırlanmaya görə narahat olmasın və düşünməsinlər ki, onların 5 günü itir. Çünki 365 günlük dövrə növbəti ilin yanvarın 5-ə qədər davam edəcək. Bu eyni ilə 2022-ci ildə olub”.