Bu gün Azərbaycanın populyar xəbər saytı olan "Qaynarinfo"nun fəaliyyətə başlamasının növbəti ildönümüdür.

İqtisadiyyat.az xəbər verir ki, xəbər portalının yaranmasından 17 il ötür. 

Saytın əsası 2007-ci ilin aprelin 25-də qoyulub.

Müstəqil informasiya siyasəti həyata keçirən media qurumu gün ərzində Azərbaycanda və dünyada baş verən hadisələri dəqiq və operativ şəkildə oxuculara çatdırır.

www.qaynarinfo.az domeni ilə fəaliyyət göstərən sayt vasitəsilə ictimai, siyasi, iqtisadi, sosial və digər mövzular ətrafında özəl xəbərlər, müsahibələr, reportajlar, müəllif yazıları, təhlil və araşdırmalar, eləcə də şou və əyləncə xəbərləri geniş oxucu kütləsinə təqdim olunur.

Ölkənin ən böyük internet medialarından biri olan Qaynarinfo.az öz fəaliyyətində etibarlılıq, orijinallıq, obyektivlik və operativlik prinsiplərini əsas götürür.

Məhz bunun nəticəsidir ki, Qaynarinfo.az yarandıqdan sonra qısa müddət ərzində geniş oxucu auditoriyası toplaya bilib.

İqtisadiyyat.az kollektivi "Qaynarinfo"dakı həmkarlarını təbrik edir, onlara yeni yaradıcılıq uğurları arzulayır!