"Qaradağ Tikinti Materialları” ASC səhmdarlarının növbəti illik ümumi yığıncağı keçiriləcək.

İqtisadiyyat.az xəbər verir ki, yığıncağın mayın 31-də keçirilməsi nəzərdə tutulub.

Gündəlikdəki məsələlər:

1. Səhmdar cəmiyyətin 2023-cü ilin maliyyə-təsərrüfat fəaliyyətinin yekunlarının müzakirəsi və təsdiqi.

2. Səhmdar cəmiyyətin səhmdarları tərəfindən yeni investorların cəlb edilməsi istiqamətində müvafiq tədbirlərin görülməsinin müzakirəsi.

3. Səhmdar cəmiyyətin fəaliyyətinin genişləndirilməsi məqsədilə gələcəkdə görüləcək işlər barədə müzakirələrin aparılması.

4. Digər məsələlər.

Xatırladaq ki, “Qaradağ Tikinti Materialları” ASC 2005-ci ildə yaradılıb. Onun nizamnamə kapitalı 957 484 manatdır.