Qəzza zolağında atəşkəsin yaradılması üzrə danışıqların növbəti raundu başa çatıb, onun bütün iştirakçıları məsləhətləşmələrin aparıldığı Qahirəni tərk ediblər.
İqtisadiyyat.az xəbər verir ki, bu barədə Misirin yüksək rütbəli mənbəsinə istinadən "Əl-Qahirə Əl-İxbariyyə" telekanalı məlumat yayıb.
Məlumata görə, tərəflər bir sıra mübahisəli məsələlər üzrə konsensusa gəlmədən Qahirəni tərk ediblər. Tərəflərin aralıq nəticələri müzakirə etdikdən sonra məsləhətləşmələrə qayıtması gözlənilir.
Mayın 9-da HƏMAS hərəkatının rəsmi nümayəndəsi İzzət ər-Rişq bildirib ki, radikallardan ibarət nümayəndə heyəti Qahirəni tərk edərək Qətərin paytaxtı Dohaya gedib və anklavda vəziyyətin sabitləşdirilməsi planı ilə razılaşdığını təsdiqləyib.