“Rusiya Federasiyasında üç və ya daha çox uşağı olan ailə normaya çevrilməlidir, Rusiya bu istiqamətdə irəliləyir”.

İqtisadiyyat.az xarici mediaya istinadən xəbər verir ki, bunu Rusiya Prezidenti Vladimir Putin çoxuşaqlı ailələrlə videokonfrans zamanı deyib.

"Son illərdə Rusiyada çoxuşaqlı ailələrin sayı təxminən 26% artıb, indi belə ailələrin sayı 2 milyondan çoxdur", - Rusiya lideri bildirib.

V.Putin vurğulayıb ki, böyük ailə və uşaq böyütmək gərgin, gündəlik işdir, valideynlər üçün uşaqlar isə misilsiz xoşbəxtlikdir. 

“Ailələr əmin olmalıdırlar ki, dövlət onlara lazımi dəstəyi göstərəcək. Ona görə də hökumətin bütün qərarları uşaqlı ailələrin maraqlarına əsaslanmalıdır”, - Putin söhbət zamanı qeyd edib.