İqtisadiyyat.az xəbər verir ki, bu fikri Putin "Rusiya çağırır!" adlı VTB investisiya forumunun plenar iclasında söyləyib.

"Bilirsiniz, cənab Tramp elə bir insandır ki, məsləhətlərə və tövsiyələrə ehtiyac duymur",- deyə Putin BRICS ölkələrinin dollardan imtina etməsi halında ABŞ-nin gömrük rüsumlarını müzakirə edib-etməyəcəyi ilə bağlı suala cavab verib.

Qeyd edək ki, 30 noyabrda Donald Tramp BRICS ölkələrini vahid valyuta yaratmaq ehtimalına görə 100 faiz gömrük rüsumu tətbiq etməklə hədələyib. Tramp vurğulayıb ki, BRICS dollar üçün alternativ yaratmaqda uğur qazana bilməyəcək, çünki ABŞ artıq bu prosesi kənardan müşahidə etməyəcək.