İqtisadiyyat.az xəbər verir ki, bu barədə Rusiya Prezidenti Vladimir Putin Ağ Ev rəhbəri ilə telefon danışığını şərh edərkən məlumat verib.

“ABŞ Prezidenti döyüş əməliyyatlarının dayandırılması, atəşkəs məsələsində öz mövqeyini ifadə etdi”, – deyə Putin qeyd edib.

O əlavə edib ki, Trampa Rusiya ilə Ukrayna arasında mümkün sülh sazişi ilə bağlı birbaşa danışıqların bərpasına dəstəyinə görə təşəkkürünü bildirib.

Qeyd edək ki, Putin və Tramp arasında telefon danışığı bir qədər əvvəl başa çatıb və söhbət iki saatdan çox davam edib. Rusiya lideri amerikalı həmkarı ilə Soçidəki “Sirius” təhsil mərkəzinin yeni musiqi məktəbi binasından danışıb. Putin söhbətin çox məzmunlu və kifayət qədər səmimi olduğunu vurğulayıb.