Rusiya prezidenti Vladimir Putin Rusiya xalqına müraciət edib.

İqtisadiyyat.az həmin müraciətdən önəmli çıxarışları təqdim edir.

"Mən düzgün qərar qəbul edən əsgər və "Vaqner" komandirlərinə təşəkkür edirəm. Onlar qardaş qanı tökmədilər, son anda dayandılar. Bu gün sizin Müdafiə Nazirliyi ilə müqavilə imzalayaraq Rusiyaya xidmətinizi davam etdirmək imkanınız var. Yaxud digər hüquq-mühafizə orqanlarına daxil olmaq, eləcə də öz qohumlarının və dostlarının yanına qayıda bilərsiniz. Kim istəyir Belarusa gedə bilər. Mənim verdiyim söz yerinə yetiriləcək. Bir daha deyirəm, seçim hər birinizin öz ixtiyarındadır, amma əminəm ki, bu öz faciəvi səhvini başa düşən rus əsgərlərinin seçimi olsun”, - deyə Rusiya dövlət başçısı bildirib.

O, qeyd edib ki, "Vaqner"in döyüşçüləri və komandirlərinin böyük əksəriyyəti öz xalqına və dövlətinə sadiq rus vətənpərvərləridir.

“Ona görə də hadisələrin əvvəlindən mənim birbaşa göstərişimlə qan tökülməməsi üçün addımlar atıldı”, - Putin vurğulayıb.

Putin qeyd edib ki, üsyan təşkilatçıları ölkəyə, həm də yanlarında olanlara xəyanət ediblər: "Üsyançılar əsgərlərin bir-birini öldürməsini istəyirdi, necə ki, Kiyev də bu nəticəni arzulayırdı".

"Silahlı üsyan istənilən halda yatırılardı", - Rusiya dövlət başçısı vurğulayıb.

Putin bütün hərbçilərə təşəkkür edib: "Vaqner" döyüşçülərinin böyük əksəriyyəti vətənpərvərdir, onlardan istifadə olunub".

Prezident ruslara dözümlərinə, həmrəyliyinə və vətənpərvərliyinə görə təşəkkür edib. Onun fikrincə, bu həmrəylik istənilən şantajın və hərc-mərcliyin uğursuzluğa məhkum olmasına səbəb olub.