"Rusiyadan 6 Afrika ölkəsinə 25-50 min ton taxılın pulsuz çatdırılması üzrə danışıqlar yekun mərhələdədir".

İqtisadiyyat.az xəbər verir ki, bunu Rusiya prezidenti Vladimir Putin BRİCS Biznes Forumunun iştirakçılarına videomüraciətində bildirib.

"Birinci addım olaraq, bu malların pulsuz çatdırılması da daxil olmaqla, 6 Afrika ölkəsinə 25-50 min ton taxılın pulsuz göndərilməsi barədə qərar qəbul etdik. Tərəfdaşlarla danışıqlar yekunlaşır", - Rusiya lideri bildirib. 

Qeyd edək ki, daha əvvəl Putin bu altı ölkə arasında Burkina Faso, Zimbabve, Mali, Somali, Mərkəzi Afrika Respublikası və Eritreanın adını çəkmişdi.

“Mən dəfələrlə demişəm ki, ölkəmiz həm kommersiya əsasında, həm də ehtiyacı olan dövlətlərə təmənnasız yardım şəklində Ukrayna taxılını əvəz etmək iqtidarındadır", - Putin qeyd edib.