"Rusiya iqtisadiyyatı görünməmiş xarici təzyiqlərə tab gətirdi və tam bərpa olundu. Ölkənin ÜDM-i 2021-ci il səviyyəsinə çatıb".
İqtisadiyyat.az xəbər verir ki, bunu Rusiya prezidenti Vladimir Putin 2024-2026-cı illər üçün federal büdcə layihəsinə həsr olunan iclasda deyib.
"Ümumilikdə deyə bilərik ki, Rusiya iqtisadiyyatının bərpa mərhələsi başa çatıb. Biz görünməmiş xarici təzyiqlərə, Qərb blokunun sanksiyalarına tab gətirmişik", - Putin bildirib.
Onun sözlərinə görə, Rusiyanın ÜDM-i 2021-ci il səviyyəsinə çatıb və indi gələcək sabit və uzunmüddətli inkişaf üçün şərait yaratmaq vacib məsələyə çevrilib.
