Rusiya Prezidenti Vladimir Putin 18 il Azərbaycanın Rusiya Federasiyasındakı səfiri vəzifəsində çalışmış Polad Bülbüloğlunu Moskva ilə Bakı arasında müttəfiqlik əməkdaşlığının möhkəmləndirilməsində xidmətlərinə görə "Aleksandr Nevski" ordeni ilə təltif edib.

İqtisadiyyat.az xəbər verir ki, bu barədə Rusiya dövlət başçısı bu gün fərman imzalayıb.

Qeyd edək ki, Polad Bülbüloğlu 2006-2024-cü illərdə Azərbaycanın Rusiyadakı fövqəladə və səlahiyyətli səfiri vəzifəsində çalışıb. 2018-ci ildən Rusiyadakı diplomatik korpusun duayeni olub. 2024-ci ilin sentyabr 1-dən isə Azərbaycanın Qarabağ bölgəsindən Milli Məclisə deputat seçilib.