"Rusiyanın Ukraynadakı xüsusi hərbi əməliyyatı bir sıra Qərb ölkələri və onların tərəfdaşları tərəfindən başladılan müharibəyə son qoymaq məqsədi güdür".
İqtisadiyyat.az xəbər verir ki, bunu Rusiya prezidenti Vladimir Putin BRİCS liderlərinin görüşündə deyib.
"Rusiya öz mədəniyyəti, adət-ənənələri, dili və gələcəyi üçün mübarizə aparan insanları dəstəkləmək qərarına gəlib. Bizim Ukraynadakı hərəkətlərimizin yalnız bir səbəbi var - Qərb və Qərbin başlatdığı müharibəyə son qoymaq", - Putin bildirib.
O vurğulayıb ki, məhz bir sıra Qərb ölkələrinin dünyada öz hegemonluğunu qorumaq istəyi "Ukraynada ciddi böhrana gətirib çıxarıb".
Putin qeyd edib ki, əvvəlcə Qərb ölkələrinin köməyi ilə Ukraynada konstitusiyaya zidd dövlət çevrilişi həyata keçirilib, sonra isə həmin çevrilişlə razılaşmayan insanlara qarşı müharibə başlayıb.
“Bu amansız müharibə səkkiz il davam etdi”, - Putin vurğulayıb.
