İqtisadiyyat.az xəbər verir ki, o, bu fikirləri Peterburq Beynəlxalq İqtisadi Forumunda (PBİF) çıxışı zamanı səsləndirib.

“Əgər XXI əsrin əvvəlində BRİKS ölkələri qlobal iqtisadiyyatın cəmi beşdə birini təşkil edirdisə, bu gün bu göstərici artıq 40 faizə çatıb”, – deyə Putin bildirib.

Onun fikrincə, bu nisbət gələcəkdə də mütləq artmağa davam edəcək.

Rusiya lideri həmçinin qeyd edib ki, BRİKS ölkələri atom energetikası və aviasiya, yeni materiallar və informasiya texnologiyaları, robototexnika və süni intellekt sahələrində genişmiqyaslı təşəbbüslər həyata keçirirlər.

Bundan başqa, prezident BRİKS daxilində əlaqələrin möhkəmləndiyini vurğulayıb. Onun sözlərinə görə, birliyə daxil olan ölkələr arasında qarşılıqlı ticarət dövriyyəsi artıq 1 trilyon ABŞ dollarını ötüb və bu rəqəm artmaqda davam edir.