“Avrasiyada potensial münaqişə nöqtələri qalmaqdadır, onların artması xaosa və qeyri-sabitliyə gətirib çıxara bilər”.

İqtisadiyyat.az xəbər verir ki, bunu Rusiya Prezidenti Vladimir Putin Şanxay Əməkdaşlıq Təşkilatının (ŞƏT) Dövlət Başçıları Şurasının Astanada keçirilən iclasında çıxışı zamanı deyib.

“İlk növbədə, bu, təbii ki, Yaxın Şərq və konkret olaraq Qəzza zolağındakı vəziyyətdir”, -deyə Rusiya lideri bildirib.

ŞƏT-in davam edən sammitində Putinin Avrasiyada yeni təhlükəsizlik sisteminin yaradılması ideyasının müzakirəsi planlaşdırılır.

Onu da əlavə edək ki, Rusiya rəhbəri sözügedən görüşdə çoxqütblü dünyadan da danışıb və bunun artıq reallığa çevrildiyini və daha çox ölkənin ədalətli dünya nizamının tərəfdarı olduğunu vurğulayıb.

 

Sadiq Cavadov