Fransa çempionu PSJ Gürcüstan millisinin və İtaliya "Napoli"sinin cinah yarımmüdafiəçisi Xviça Kvaratsxeliyanı almaq üçün səylərini davam etdirir.
İqtisadiyyat.az İtaliyanın “Corriere dello Sport” nəşrinə istinadən xəbər verir ki, Paris klubu 23 yaşlı futbolçunun transferi üçün 200 milyon avro ödəməyə hazırdır.
“Napoli” Kvaratsxeliya ilə əməkdaşlığı uzatmaq istəyir, lakin gürcü futbolçu klubu dəyişmək niyyətindədir.
Kvaratsxeliyanın hazırkı müqaviləsi 2027-ci ilin iyununa qədər nəzərdə tutulub.
