"PSG Finans” ilə keçmiş işçisi arasında məhkəmə çəkişməsi başlayıb

“PSG Finans” MMC bank olmayan kredit təşkilatı (BOKT) məhkəməyə verilib.

İqtisadiyyat.az xəbər verir ki, BOKT-nin keçmiş əməkdaşı İsmayılov Nicat Nahid oğlu məhkəmədə iddia qaldırıb.

O, işdən haqsız yerə çıxarıldığını bildirib. N.İsmayılov işə bərpa olunması və işdən çıxarıldığı müddət üçün əməkhaqqı tələbi irəli sürüb. 

İş hazırda apellyasiya mərhələsindədir. 

BOKT-nin keçmiş işçisinin şikayəti Bakı Apellyasiya Məhkəməsində hakim Fuad Abdıyevin sədrliyi ilə araşdırılacaq.