Bakı Dövlət Universitetinin professoru Azər Əhmədov vəfat edib.

İqtisadiyyat.az xəbər verir ki, o, 59 yaşında dünyasını dəyişib.

O, Fizika fakültəsinin Nəzəri fizika kafedrasında çalışırdı.

Qeyd edək ki, Azər İnşalla oğlu Əhmədov 29 aprel 1964-cü ildə anadan olub. 1982-ci ildə Bakı Dövlət Universitetinin Fizika fakültəsinə daxil olub və 1989-cu ildə həmin fakültəni bitirib. 1992-1995-ci illərdə Fizika fakültəsinin Nəzəri Fizika kafedrasının aspirantı olub. 1996-cı ildə namizədlik, 2016-cı ildə isə doktorluq dissertasiyasını müdafiə edib. 2007-2022-ci illərdə Nəzəri Fizika kafedrasında dosent, 2022-ci ildən isə professor vəzifəsində çalışıb.