Portuqaliyada tüğyan edən meşə yanğınları nəticəsində azı 4 nəfər ölüb, 40 nəfər yaralanıb.

İqtisadiyat.az xəbər verir ki, bu barədə “Pblico” nəşri məlumat yayıb.

Nəşrin məlumatına görə, hazırda ölkənin müxtəlif ərazilərində 27 yanğın hadisəsi qeydə alınıb. Yanğınla mübarizəyə 5 minə yaxın canlı qüvvə cəlb olunub. Yanğın səbəbindən bəzi yollarda nəqliyyatın hərəkəti bağlanıb.

Portuqaliya hakimiyyəti meşə yanğınları riskinin yüksək olması səbəbindən həyəcan təbili çalıb. Bundan əlavə, respublika hökuməti mülki müdafiə mexanizmi çərçivəsində yanğının söndürülməsində kömək üçün Avropa İttifaqına müraciət edib. Nəticədə Yunanıstan, İspaniya, İtaliya və Fransa Portuqaliyaya 8 təyyarə göndərmək qərarına gəliblər. 

 

Sadiq Cavadov