Portuqaliyanın ən böyük həmkarlar ittifaqlarından biri olan Portuqaliya İşçilərinin Ümumi Konfederasiyası (CGPT) tərəfindən bu gün müxtəlif sektorlarda çalışan işçilər tətil və nümayişlərə çağırılıb.

İqtisadiyyat.az xarici mətbuata istinadən xəbər verir ki, əczaçılar, tibb bacıları, məhkəmə məmurları və nəqliyyat sektorunun işçiləri, eləcə də Matutano, Lactogal, Nobre, Tiendas, Group Altica kimi CGPT ilə əlaqəli əhəmiyyətli özəl şirkətlər də daxil olmaqla bir çox fərqli sektordan olan işçilər etirazlara qoşulub.

Aksiyalar çərçivəsində ölkə daxilində, xüsusilə Lissabon və Porto kimi böyük şəhərlərdə 100-ə yaxın nümayiş keçirilib.

CGPT-dən verilən yazılı açıqlamada iqtidardakı solçu hökumətdən minimum əmək haqqını (886 avro) ən azı 10 faiz artırması və qiymət artımlarına qarşı yeni tədbirlər görülməsi istənilib.