Yanvarın 27-də Portuqaliyanın Almada şəhərində keçirilən Qran Pri turniri start götürür.
İqtisadiyyat.az xəbər verir ki, yarışın ilk günündə 5 çəki dərəcəsində 8 cüdoçumuz tatamiyə çıxacaq. Kişilər arasında -60 kq. çəkidə Nazir Talıbov və Turan Bayramov, -66 kq. çəkidə Yaşar Nəcəfov medallar uğrunda mübarizə aparacaq. Qadınlar arasında isə -48 kq. çəkidə Leyla Əliyeva və Könül Əliyeva, -52 kq. çəkidə Gültac Məmmədəliyeva və Aydan Vəliyeva, -57 kq. çəkidə isə Fidan Əlizadə güclərini sınayacaq.
Turnir Bakı vaxtı ilə saat 13:00-da başlayacaq.
