Transfer çalışmalarını davam etdirən "Qalatasaray"ın "Roma"nın sol cinah oyunçusu Nikola Zalevskinin transferində mühüm irəliləyiş əldə etdiyi iddia edilib.
İqtisadiyyat.az italiyan jurnalist Nikolo Şiraya istinadən xəbər verir ki, “Roma” Zalevskinin satışını təsdiqləsə də, "sarı-qırmızılı"lar polşalı futbolçu ilə danışıqları davam etdirir.
Xəbərdə 22 yaşlı futbolçunun "Qalatasaray"dan illik 2,5 milyon avro qarşılığında 4 illik müqavilə tələb etdiyi bildirilib.
Zalevskinin ötən ayın sonunda Hollandiyanın PSV klubunun vacib təklifini geri çevirdiyi də xatırladılıb.
"Roma" ilə müqaviləsi gələn ilin yayında başa çatacaq Nikola Zalevski ötən mövsüm 33 matçda meydana çıxıb və 3 məhsuldar ötürmə edib. Bu mövsüm Zalevski 3 matçda 142 dəqiqə meydanda olub.