Polşanın xarici işlər naziri Radoslav Sikorski respublikanın Avropada Təhlükəsizlik və Əməkdaşlıq Təşkilatında (ATƏT) nümayəndəliyinin bağlanması barədə qərar qəbul edib.

İqtisadiyyat.az bu barədə TASS-a istinadən xəbər verir.

Məlumata görə, bu qərarın səbəbi açıqlanmayıb. Missiyanın vəzifələri Polşanın BMT-nin Vyana ofisindəki Daimi Nümayəndəliyinə veriləcək.

Qeyd edək ki, Polşa 1973-cü ildə Avropada Təhlükəsizlik və Əməkdaşlıq üzrə Konfransın ilk iclasında iştirak edən ölkələrdən biri idi. Respublika sonuncu dəfə təşkilata 2022-ci ildə sədrlik edib.

 

Gözəl Həşimova