Bu gün səhər saatlarında Moskva və Moskva vilayətinə hücum edən pilotsuz təyyarələr standart təyyarə tipli modeldir və bu modeldən hücum ilk deyil.

İqtisadiyyat.az xəbər verir ki, bunu hərbi ekspert, ehtiyatda olan polkovnik Viktor Litovkin deyib .

“Yeni heç nə yoxdur, adi təyyarə tipli drondur. Onlarda bu növdən çoxdur və həmişə istifadə olunur. Çarpaz, iki qanad, ortada gövdə, mühərrik var. Bütün bunlara sursat yapışır və ya pilotsuz təyyarənin özü bir növ partlayıcı ilə doldurulur. Moskva üçün prinsipial olaraq yeni bir şey ortaya qoymadılar" - deyə ekspert bildirib.

Litovkin əlavə edib ki, Moskvaya hücum edən bu pilotsuz uçuş aparatları “ördək” aerodinamik konfiqurasiyasına uyğun qurulmuş təyyarələrdir.

Xatırladaq ki, Mayın 30-da Moskva və Moskva vilayəti pilotsuz təyyarələrin hücumuna məruz qalıb. Paytaxtın meri Sergey Sobyaninin sözlərinə görə , pilotsuz təyyarənin şəhərə hücumu nəticəsində bir neçə binaya cüzi ziyan dəyib, heç kim ciddi xəsarət almayıb. Öz növbəsində, Moskva vilayətinin qubernatoru Andrey Vorobyov paytaxta yaxınlaşarkən bir neçə pilotsuz təyyarənin vurulduğunu, hava hücumundan müdafiə sisteminin işlədiyini bildirib .