“Bakı Polad Burazlar” ASC 2022-ci üzrə maliyyə hesabatlarını açıqlayıb.

İqtisadiyyat.az şirkətin maliyyə hesabatlarına istinadən xəbər verir ki, 2022-ci ildə “Bakı Polad Burazlar” ASC 73.1 min manat xalis zərər açıqlayıb. Ötən il isə şirkət 70.9 min manat xalis zərər açıqlamışdı.

Hesabat dövründə şirkətin əsas əməliyyat gəlirləri 2021-ci illə müqayisədə 49.7% artaraq 814.1 min manat , ümumi mənfəəti isə 41.5% artaraq 372.6 min manat təşkil edib. İnzibati xərcləri 411.3 min manat, sair əməliyyat xərcləri 39.6 min manat olan şirkətin əməliyyat zərəri 73.1 min manata bərabər olub.

Ötən il şirkətin cəmi aktivləri 57.8% artaraq 1 milyon 791.7 min manat, öhdəliklərinin həcmi isə 62.3% artaraq 1 milyon 661.3 təşkil edib.

2023-cü il yanvar ayının 1-nə “Bakı Polad Burazlar” ASC-nin cəmi kapitalı 130,3 min manat olub.