Plastik şüşələrdəki suyun tərkibində insan sağlamlığı üçün təhlükəli olan minlərlə nanoplastik var.
İqtisadiyyat.az xəbər verir ki, bu barədə “The Hill” qəzeti məlumat yayıb.
Kolumbiya Universitetinin tədqiqatçıları 1 litr şüşədəki suda 240 minə yaxın nanoplastik aşkar ediblər ki, bu da insan hüceyrələrinin inkişafını dayandıra bilər.
Nanoplastiklər uzunluğu 1 mikrometrdən az olan plastik hissəciklərdir. Araşdırma qablaşdırılmış suyun plastik tərkibinin əvvəllər düşünüldüyündən 100 dəfə çox ola biləcəyini müəyyən edib.
Bildirilib ki, plastikin ölçüsü azaldıqca təhlükə də artır, çünki hissəciyin ölçüsü azaldıqca insan orqanizminə daxil olma ehtimalı da artır. Məlumata görə, sudakı plastik hissəciklər qan-beyin baryerini keçəcək qədər kiçikdir. Bu hissəciklər beynin müəyyən hissələrində hüceyrələrin itməsinə səbəb ola bilər.
Qeyd edilib ki, plastiklər ölüm nisbətini artır və sağlamlıq risklərinə səbəb olur.
Gözəl Həşimova
