ABŞ Konqresinin Nümayəndələr Palatasının Ukraynaya yardımla bağlı qərarı Amerikanı daha da zənginləşdirəcək və Ukraynanı daha da parçalayacaq.
İqtisadiyyat.az xəbər verir ki, bunu Rusiya prezidentinin mətbuat katibi Dmitri Peskov bildirib.
"Ukraynaya yardım göstərmək qərarı gözlənilən və proqnozlaşdırıla bilən idi. Bu, Amerika Birləşmiş Ştatlarını daha da zənginləşdirəcək və Ukraynanı daha da parçalayacaq, Kiyev rejiminin günahı ucbatından daha çox ukraynalının ölümünə səbəb olacaq", - Kremlin sözçüsü TASS-a bildirib.
Peskov qeyd edib ki, ABŞ Rusiya Federasiyasının dondurulmuş aktivlərinin müsadirəsinə görə cavab verməlidir.
ABŞ Konqresinin Nümayəndələr Palatası şənbə günü Ukrayna, İsrail və Tayvana təhlükəsizlik yardımı göstərmək üçün ümumilikdə 95 milyard dollarlıq qanun layihələrinin birincisini qəbul edib.
