Peru və Slovakiya Amerikanın “Artemida” ay proqramına qoşulub.

İqtisadiyyat.az xəbər verir ki, bu barədə “SpaceNews” məlumat yayıb.

Bildirilib ki, “Artemida” müqavilələri NASA-nın Baş Qərargahında ayrı-ayrı mərasimlərdə imzalanıb.

Perunu ölkənin xarici işlər naziri Xavyer Qonzales-Olaeça, Slovakiyanı isə təhsil, tədqiqat, inkişaf və gənclər naziri Tomas Druker təmsil edib. İmzalanma mərasimlərində ABŞ tərəfdən NASA və Dövlət Departamentinin nümayəndələri iştirak ediblər.

Bununla da Peru və Slovakiya ilə birlikdə “Artemida” proqramında 42 dövlət iştirak edir.