ABŞ-nin qida və içki şirkəti "PepsiCo"nun gəliri ötən ilin son rübündə 0,5% azalaraq 27,9 milyard dollar olub.
İqtisadiyyat.az xəbər verir ki, bu barədə qurum dördüncü rüb üçün balans hesabatını açıqlayıb.
2022-ci ilin dördüncü rübündə isə şirkətin gəliri təxminən 28 milyard dollar olub. Bununla da "PepsiCo"nun gəliri 2020-ci ildən bəri ilk dəfə rüblük olaraq azalıb.
Qeyd edilib ki, şirkətin gəlirləri Latın Amerikası istisna olmaqla, bütün regionlarda azalıb. "PepsiCo"nun gəlirləri Latın Amerikasında 18% artdığı halda, Afrika, Yaxın Şərq və Cənubi Asiyada 4%, Asiya-Sakit okean, Avstraliya, Yeni Zelandiya və Çində 2%, Avropada isə 1% azalıb.
Gözəl Həşimova
