İngiltərə Premyer Liqasında ardıcıl 3-cü, son 6 ildə isə 5-ci titulunu elan edən Pep Qvardiola "Mançester Siti"dəki gələcəyindən danışıb.

İqtisadiyyat.az xəbər verir ki, İngiltərə mətbuatına danışan Pep Qvardiola klubdan ayrılmaq kimi bir düşüncəsinin olmadığını bildirib:

"Hazırda komandadan ayrılmaq barədə düşünmürəm. Belə bir fikrim yoxdur. Nəticələrdən asılı olmayaraq gələn mövsüm də burada qalmaq istəyirəm. Mən müqavilə imzalamışam və ona sadiq qalmaq istəyirəm. Kluba hörmət edirəm. Narahat olmayın, mən buradayam".

"Mançester Siti" iyunun 3-də FA kubokunun finalında "Mançester Yunayted"lə, iyunun 10-da isə Çempionlar Liqasının finalında "İnter"lə qarşılaşacaq.

Pep Qvardiolanın komandası bu iki finalda qalib gələrsə, mövsümü 3 kubokla başa vuraraq, 1998/99 mövsümündə "Mançester Yunayted"in uğurunu təkrarlayan ilk Premyer Liqa komandası olacaq.