Şimali Atlantika Müqaviləsi Təşkilatı (NATO) yaxın gələcəkdə genişlənmək niyyətində deyil. 

İqtisadiyyat.az xəbər verir ki, bu barədə Pentaqonun rəhbəri Lloyd Ostin Brüsseldə NATO-ya üzv ölkələrin müdafiə nazirlərinin görüşündən sonra keçirilən mətbuat konfransında bildirib.

O, Alyansın planlarını şərh edərkən deyib: "Mən yaxın gələcəkdə hər hansı bir zamanda genişlənmə ilə məşğul olacağımıza dair hər hansı bir istək və ya işarə görmürəm".

"Hesab edirəm ki, NATO-nun genişlənməsi baxımından biz 32 NATO üzvünün bir gün verəcəyi qərardan danışırıq. Bilirəm ki, NATO-ya üzv olmaq istəyən ölkələr həmişə olacaq", - Ostin əlavə edib. 

2021-ci ilin iyununda Brüsseldə keçirilən NATO sammitinin iştirakçıları yekun kommünikedə Ukrayna və Gürcüstanın gələcəkdə alyansa üzv ola biləcəyini bəyan ediblər. Rusiya isə NATO-nun şərqə doğru genişlənməsinin qəti əleyhinədir.