“Pasha Yatırım Bankası Anonim Şirketi” hər birinin nominal dəyəri 1000 ABŞ dolları olan 25 min ədəd istiqraz buraxır.
İqtisadiyyat.az xəbər verir ki, “Ölkə.Az”ın məlumatına görə, istiqrazlar sənədsiz, adlı, təmin edilməmişdir.
İstiqrazların tədavül müddəti 18 ay, istiqrazlar üzrə illik faiz dərəcəsi 6,19% təşkil edir.
Ödənilməli olan faizlər istiqrazların tədavül müddətində hər 3 təqvim ayından bir ödənilir.
Qeyd edək ki, “Pasha Yatırım Bankası Anonim Şirketi” Türkiyədə yerləşir və 71,75% payla “PAŞA Holding” MMC-yə, 28,21% payla “PAŞA Bank” ASC-yə məxsusdur.
