Roma Papası Fransisk hesab edir ki, Ukraynadakı münaqişənin həlli üçün perspektivlər yaranıb və sülh yolu ilə həllin müzakirə olunduğu növbəti görüşlərdə Rusiya iştirak etməlidir.   

İqtisadiyyat.az xəbər verir ki, bu barədə TASS-a Ümumdünya Köhnə Möminlər Birliyinin rəhbəri Leonid Sevastyanov məlumat verib. 

O qeyd edib ki, pontifik İsveçrədə keçirilən konfransı belə şərh edib: "Papa hesab edir ki, hazırda sülh danışıqları prosesi formalaşır. Rusiya real danışıqların başlanacağı istənilən növbəti görüşdə iştirak etməlidir, bütün mövqelər ortaq məxrəcə gətirilməlidir".

Sevastyanovun sözlərinə görə, pontifik aydınlaşdırıb ki, indi münaqişənin bütün tərəfləri sülh yolu ilə nizamlanmaya dair öz mövqelərini bildiriblər, bu fikirləri ümumi məxrəcə salmaq lazımdır. 

Bundan əlavə, pontifik danışıqlar üçün platforma kimi Vatikanın yardım etməyə və bunu təmin etməyə hazır olduğunu xatırladıb.