İqtisadiyyat.az xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Hadisə cümə axşamı, yanvarın 16-da baş verib.

“Müqəddəs Marta Evində yıxılma nəticəsində Papa Fransisk sağ biləyindən zədə alıb”, – deyə mətbuat xidmətindən bildirilib. 

88 yaşlı Papada sınıq aşkar edilmədiyi bildirilsə də, ehtiyat tədbiri olaraq biləyinə şina qoyulub.

"Corriere della Sera" qəzeti qeyd edir ki, zədə Papa Fransiskin gün ərzində planlaşdırılmış görüşlərini keçirməsinə mane olmayıb.