Roma Papası Fransisk G7-də ABŞ prezidenti Co Bayden və Fransa prezidenti Emmanuel Makronla görüşərək Ukraynadakı münaqişə ilə bağlı Rusiya ilə danışıqları müzakirə etməyi və Olimpiya Oyunlarına qədər hərbi əməliyyatlara son qoymağa çağırmağı planlaşdırır. 

İqtisadiyyat.az xəbər verir ki, bu barədə TASS-a Köhnə Möminlər İttifaqının sədri Leonid Sevastyanov pontifiklə şəxsi söhbətinə istinadən məlumat verib.

"Papa, hər kəsi Rusiya ilə danışıqlar masasına oturmağa inandırmaq üçün sabah Bariyə gedir. O, Olimpiya Oyunlarından əvvəl hamını atəşkəsə çağırmaq istəyir", - Sevastyanov qeyd edib.