Pakistanın cənub-qərb əyalətlərində son 3 gündə yağan güclü yağış və ildırım çaxması nəticəsində həyatını itirənlərin sayı 39-a yüksəlib.

Bu barədə İqtisadiyyat.az "Dawn" internet saytına istinadən xəbər verir.

Məlumata görə, Pəncab, Bəlucistan və Hayber-Paxtunxva əyalətlərində 3 gündür davam edən güclü yağış və ildırım çaxmaları nəticəsində ən azı 39 nəfər həyatını itirib. Səlahiyyətlilər, həyatını itirənlərin əksəriyyətinin buğda biçini zamanı ildırım vuran fermerlər olduğu barədə məlumat paylaşıblar.

Yağışların yaratdığı daşqınlarda çoxlu sayıda evlər zərər görüb və infrastruktura da ciddi ziyan dəyib.

Qeyd edək ki, Pakistanda 2022-ci ildə baş verən daşqınlar nəticəsində 2 minə yaxın insan həyatını itirib və iqtisadiyyata təxminən 30 milyard dollar ziyan dəyib.

 

Gözəl Həşimova