"Naməlum silahlı şəxslər Pakistanın qərbində iki gömrük məmurunu öldürüb. Bir neçə gün əvvəl isə ərazidə daha beş gömrük məmuru öldürülmüşdü".
İqtisadiyyat.az dünya mətbuatına istinadən xəbər verir ki, bu barədə Pakistan rəsmiləri bildiriblər.
Heç bir qrup iki hücuma görə məsuliyyəti öz üzərinə götürməyib, polis araşdırmaların aparıldığını bildirib.
Hücumların sayının artması Pakistanla Əfqanıstanda hakim Taliban arasında gərginliyi artırıb.
Yaraqlıların hücumlar üçün Əfqanıstan ərazisindən istifadə etdiyini deyən Pakistan Talibanı tədbir görməyə çağırıb və keçən ay Əfqanıstan ərazisinə hava hücumu təşkil edib.
Taliban hərəkatı isə öz növbəsində Əfqanıstan ərazisinin hərbi məqsədlər üçün istifadəsinə icazə verdiyini inkar edib və Pakistanın təhlükəsizlik məsələlərinin İslamabadın daxili işi olduğunu bildirib.
