Pakistanın Baş naziri Şahbaz Şərif rəsmi tədbirlərdə qırmızı xalçadan istifadəni qadağan edib.

İqtisadiyyat.az dünya mediasına istinadən xəbər verir ki, yerli media qərarın Pakistanın üzləşdiyi ciddi iqtisadi problemlər fonunda qəbul edildiyini qeyd edib. 

Hökumət diplomatik tədbirlərdə qırmızı xalçadan istifadənin yalnız protokol məqsədləri ilə məhdudlaşdırılacağını açıqlayan bildiriş yayıb.

Bundan əvvəl Şərif və onun kabineti maaş və müavinətlərdən könüllü olaraq imtina etmək qərarına gəliblər. Ölkə prezidenti Asif Əli Zərdari də əməkhaqqı almamaq qərarına gəlib. Şərif vəzifəyə gəldikdən bir neçə həftə ərzində hökumət xərclərini azaltmağa yönəlmiş qənaət tədbirlərini açıqlayıb.

Tədbirlərə lüks avtomobillərin alınmasının qadağa edilməsi, nazirlərin ekonom sinifdə səyahət etmələri və kommunal xərclərini özləri ödəməsi kimi məsələlər daxildir.

 

Gözəl Həşimova