"Özsüt Azerbaijan" Məhdud Məsuliyyətli Cəmiyyəti məhkəməyə verilib.

İqtisadiyyat.az xəbər verir ki, şirkət barəsində "Legion Hospitality" Bakı Kommersiya Məhkəməsində iddia qaldırıb.

İşin mahiyyəti müqavilələrdən əmələ gələn öhdəliklər üzrə mübahisələr (Françayzinq) ilə bağlıdır.

İddia hakim Zaur Pirverdiyevin sədrliyi ilə araşdırılacaq.

Qeyd edək ki, françayzinq  kommersiya, bazar subyektləri arasında münasibətlər növüdür. Bir tərəf (françayzer) digər tərəfə (françayzi) müəyyən haqqa (royalti) öz biznez-modeli əsasında özünəməxsus biznes növü ilə məşğul olmağa icazə verir. Françayzinq digərinin haqq əsasında kiminsə əmtəə nişanından istifadə edilməsinə rəsmi icazədir.

Xatırladaq ki, restoran və kafe şəbəkələri olan "Özsüt Azerbaijan" 2018-ci ildə dövlət qeydiyyatına alınıb. Şirkətin qanuni təmsilçisi Əzməmmədov Renat Tofiq oğludur. "Legion Hospitality" isə 2022-ci ildə 260020 manat nizamnamə kapitalı ilə yaradılıb. Şirkətin hazırda qanuni təmsilçisi Hacıyev Rafael Tofiq oğludur.