Bu ilin yanvar-aprel aylarında Özbəkistanın xarici ticarət dövriyyəsi ötən ilin eyni dövrü ilə müqayisədə təxminən 6% artaraq 20,9 milyard dollara çatıb.

İqtisadiyyat.az xəbər verir ki bu barədə ölkənin Statistika Agentliyi məlumat yayıb.

Hesabat dövründə ölkənin ixracı 9% artaraq 8,5 milyard dollar, idxalı isə 3,9% artaraq 12,4 milyard dollar təşkil edib. Özbəkistanın ən böyük ticarət tərəfdaşları Çin, Rusiya, Qazaxıstan, Türkiyə və Cənubi Koreya olub.

Qeyd edək ki, bu ilin 4 ayı əzində Azərbaycanla Özbəkistan arasında ticarət dövriyyəsi 50,9 milyon dollar təşkil edib.

 

Gözəl Həşimova