İqtisadiyyat.az xəbər verir ki, bu barədə "Oxfam" məlumat yayıb.
Qeyd edilib ki, bu artım 2023-cü ildəkindən üç dəfə sürətlidir. "Oxfam"ın hesabatına görə, dünyada 10 il ərzində beş trilyonçu olacaq.
Keçən il eyni proqnoz yalnız bir trilyonçu üçün verilmişdi.
Məlumata görə, milyarderin sərvətindəki böyük artıma qlobal birjalardakı səhmlərin bahalaşması təsir edib.
Qeyd edilib ki, ötən il dünya üzrə milyarderlərin sayı 204 nəfər artaraq ümumilikdə 2769 nəfərə çatıb.
"Oxfam" dünyanın ən zəngin 10 adamının sərvətinin gündə orta hesabla 100 milyon dollar artdığını və sərvətlərinin 99 faizini itirsələr belə, milyarder olaraq qalacaqlarını bildirib.
Yoxsulluq dərəcələrində isə ciddi dəyişiklik yoxdur. Hesabata görə, dünyada 3,6 milyard insan gündə 6,85 dollardan az pulla yaşayır.
Gözəl Həşimova