2020-ci ildən sonra qlobal pandemiya, müharibə, yüksək yaşayış dəyəri və iqlim dəyişikliyi kimi böhranlar varlılar ilə yoxsullar arasındakı uçurumu daha da artırıb. Belə ki, bu dövrdə varlılar daha da zənginləşib, kasıbları isə daha da yoxsullaşıblar.

İqtisadiyyat.az xəbər verir ki, bu barədə Böyük Britaniyada yerləşən beynəlxalq humanitar yardım təşkilatı "Oxfam" Dünya İqtisadi Forumunun illik toplantısı çərçivəsində “Qeyri-bərabərlik” adlı hesabatını dərc edib.

Hesabatda 2020-ci ildə dünyada bir çox insanın ciddi çətinliklərlə üzləşdiyi vurğulanıb və 2019-cu illə müqayisədə 4,8 milyard insanın isə daha yoxsul olduğu qeyd edilib. Bundan əlavə, milyarderlər isə 2020-ci ildən sonra 3,3 trilyon dollar və ya 34% zənginləşib.

Bildirilib ki, Qlobal Şimal və Qlobal Cənub arasında bərabərsizlik son 25 ildə ilk dəfə artıb.

Məlumata görə, yüz milyonlarla insanın maaşına görə alıcılıq qabiliyyəti azalmağa davam edir və bu vəziyyət daha yaxşı gələcəyə olan ümidləri aradan qaldırır.

 

Gözəl Həşimova