2023-cü ildə ən çox satılan smartfonların adları açıqlanıb.

İqtisadiyyat.az xəbər verir ki, bu barədə “Counterpoint Research” şirkətinin hesabatında bildirilir.

Hesabatda Amerikanın “Apple” şirkəti bazarda üstünlük təşkil etdiyi qeyd olunub. Ən çox satılan smartfon 2022-ci ildə buraxılan “iPhone 14” olub. Onun payı 3,9% təşkil edib. İlk üçlüyə “iPhone 14 Pro Max” və “iPhone 14 Pro” da daxil olub.

Reytinqdə ilk yeddi pillənin hamısını “Apple” cihazları tutub. Sıralamada 8-dən 10-a qədər olan mövqeləri isə “Samsung” cihazları – “Galaxy A14 5G”, “Galaxy A04e” və “Galaxy A14 4G” tutub.