İqtisadiyyat.az xəbər verir ki, bu barədə qurumun hesabatında deyilir.
Məlumata görə, investisiyaların artması və mərkəzi bankların dördüncü rübdə alışlarını sürətləndirməsi nəticəsində dünyada qızıl tələbi rekord həddə - 4,974,5 tona çatıb.
İnvestorların qlobal risklərdən qorunmaq üçün qızıla üz tutması və ABŞ Federal Ehtiyat Sisteminin faiz dərəcələrini aşağı salması nəticəsində spot qızıl qiymətləri isə keçən il 27 faiz artaraq 2010-cu ildən bəri ən yüksək səviyyəyə çatıb.
Eyni zamanda, Donald Trampın ABŞ prezidenti seçilməsindən sonra mərkəzi bankların qızıl alışları artıb. Qızıl tələbinin əsas mənbəyi olan mərkəzi banklar artıq ardıcıl üçüncü ildir ki, 1000 tondan çox qızıl alıb. Trampın ABŞ seçkilərində qalib gəlməsi ilə ötən ilin son rübündə mərkəzi bankların qızıl alışı 54 faiz artaraq 333 tona çatıb.
Keçən il qızıla investisiya tələbi 25 faiz artaraq son 4 ilin maksimumuna çatıb. Qızıl külçəyə investisiya tələbi isə 10% artıb.
Ötən il bunlara baxmayaq, zərgərlik məmulatlarının istehlakı azalıb. Belə ki, qızıl zərgərlik məmulatlarının istehlakı 2024-cü ildə 11% azalıb.
Gözəl Həşimova