Bu barədə İqtisadiyyat.az Dövlət Statistika Komitəsinə istinadən xəbər verir.

Ötən il qeydə alınmış xəstəliklər sırasında tənəffüs orqanları, həzm orqanları, qan dövranı sistemi xəstəlikləri, bəzi infeksion və parazitar xəstəlikləri, sidik-cinsiyyət sistemi xəstəlikləri, göz və gözün əlavə aparatı xəstəlikləri, sinir sistemi xəstəlikləri, eləcə də qan, qanyaradıcı orqanları xəstəlikləri üstünlük təşkil edib.

Yoluxucu xəstəliklərin profilaktikası və qarşısının alınması məqsədilə uşaqlarda 11 xəstəliyə qarşı müasir vaksinlərlə peyvəndləmə aparılıb. Bunun nəticəsi olaraq ayrı-ayrı yoluxucu xəstəliklərin azalmasına, bəzilərinin isə tam ləğv olunmasına nail olunub.

Səhiyyə Nazirliyinin məlumatına əsasən, ötən ilin yanvar-noyabr aylarında 2023-cü ilin müvafiq dövrü ilə müqayisədə ölkədə pedikulyoz ilə (53,6 faiz), su çiçəyi ilə (47,4 faiz), qazanılmış immunçatışmazlığı (QİÇS) ilə (35,4 faiz), qonokokk infeksiyası ilə (35,0  faiz), bruselyoz ilə (29,9 faiz), viruslu hepatit B ilə (20,4 faiz), törədicisi müəyyən olmayan kəskin bağırsaq infeksiyaları ilə (16,7 faiz), ağciyər vərəmi ilə (5,2 faiz), xəstələnmə halları azalıb.