Ötən ayın dünyada indiyə qədər qeydə alınan "ən isti mart" olduğu açıqlanıb.

İqtisadiyyat.az xəbər verir ki, bununla bağlı Avropa İttifaqının (Aİ) "Kopernik" peyk izləmə sistemi ilə ölçmələr aparılıb.

Məlumata görə, keçən ay hava istiliyi 14,14 dərəcə olaraq ölçülüb. Bu ölçünün 2020-ci ildə qeydə alınan əvvəlki ən isti mart ayından 0,10 dərəcə yuxarı olduğu ifadə edilib.

Açıqlamaya görə, ötən ay qlobal miqyasda indiyə qədər qeydə alınan "ən isti mart", ardıcıl olaraq son 10 ay isə indiyə qədər qeydə alınan ən isti aylar olub.

Son 12 ayda (2023-cü ilin aprel - 2024-cü ilin mart ayları) qlobal orta temperatur 1991-2020-ci illərin orta göstəricisindən 0,70 dərəcə yüksək olub.

 

Gözəl Həşimova