İqtisadiyyat.az xəbər verir ki, bu barədə Türkiyə Statistika Təşkilatının (TÜİK) mart ayı üzrə açıqladığı mənzil satışı statistikasında bildirilib.

Beləliklə, azərbaycanlılar Türkiyədə ən çox mənzil alanlar siyahısında 4-cü sıradan 6-cı sıraya enib. 

Hesabata əsasən, Türkiyədə mənzil satışlarının sayı mart ayında illik 5,1% artaraq 110 min 795-ə çatıb. Bu ilin birinci rübündə isə ölkədə mənzil satışı 20,1 artaraq 336 min ədəd olub. Ən çox mənzil satışı olan şəhərlər 19.820 ilə İstanbul, 10.203 ilə Ankara və 7.513 ilə İzmir olub.

Bu dövrdə ölkələr üzrə ən çox mənzil satışı 275 ilə Rusiya, 153 ilə İran və 124 ilə Ukrayna vətəndaşlarına edilib.

Yanvar-mart dövründə əcnəbilərə ev satışları əvvəlki ilin eyni dövrü ilə müqayisədə 19,5% azalaraq 4578-ə çatıb. Mart ayında xaricilərə mənzil satışının ümumi mənzil satışlarında payı 1,4% olub. Əcnəbilərə ən çox mənzil satan şəhərlər 635 ilə İstanbul, 496 ilə Antalya və 141 ilə Mersin olub.

 

 

Gözəl Azadəliyeva