İqtisadiyyat.az xəbər verir ki, Mərdəkan yolunda qeydə alınan qəza 77-FS-511 dövlət qeydiyyat nişanlı "Hyundai" markalı avtomobilin idarəetmədən çıxması nəticəsində baş verib.

Belə ki, yüksək sürətlə hərəkətdə olduğu bildirilən avtomobil yol kənarındakı dirəyə çırpılıb. Nəticədə avtomobilin sürücüsü, Şağan qəsəbə sakini Sadiq Həsənov dünyasını dəyişib.

Məlumatla əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub. Avtomobildə sıxılmış vəziyyətdə qalan sürücünün meyiti xilasedicilər tərəfindən çıxarılaraq aidiyyəti üzrə təhvil verilib.

Qeyd edək ki, mərhum sürücünün sosial şəbəkə səhifəsinə nəzər yetirdikdə onun avtomobil həvəskarı olduğu və əvvəllər də avtomobili yüksək sürətlə idarə etməsini əks etdirən görüntülər paylaşdığı müşahidə edilib.